सानिमा बैंकको संस्थापक शेयर बिक्रीमा

५ चैत, काठमाडौं । सानिमा बैंकको ३ लाख कित्ता संस्थापक शेयर बिक्री खुला गरेको छ । सानिमाका आफ्नै संस्थापक शेयरधनीले आफ्नो शेयर बिक्री गर्न लागेको हो ।

उक्त शेयरको लागि निवेदन दिएपछि शेयर बिक्री खुला गरिएको बैंकले जनाएको छ । यसमा सानिमाकै अन्य संस्थापक शेयरधनीहरुले आवेदन दिन सक्नेछन् । 

यसमा आज (चैत ५ गते) देखि ३५ दिनभित्र आवश्यक कागजात संलग्न गरी बैंकको केन्द्रीय कार्यालय, नारायणचौर नाक्साल, काठमाडौंमा सम्पर्क गरी शेयर खरिदका लागि आवेदन दिन सक्नेछन् । 

शेयरको न्यूनतम् भाउ प्रतिकित्ता १४५ रुपैयाँ तोकिएको छ । तोकिएको समयमा संस्थापक शेयरधनीबाट आवेदन परेन भने अन्य व्यक्ति तथा संस्थालाई बिक्री खुला गरिने बैंकले सूचनामा उल्लेख गरेको छ ।