रुसी सेनामा भर्ना भएका ३३ जना नेपालीको मृत्यु

६ चैत्र, काठमाडौं । परराष्ट्र मन्त्रालयले हालसम्म रुसी सेनामा भर्ना भएका ३३ जना नेपालीको मृत्यु भएको जनाएको छ । पछिल्लो पटक रुसी सेनामा गैरकानुनी रुपमा भर्ती भएका थप १६ जना नेपालीको मृत्यु भएको छ । 

परराष्ट्र मन्त्रालयका अनुसार १६ नेपालीको मृत्यु भएको जानकारी सरकारलाई प्राप्त भए पनि उनीहरूको मृत्युको बारेमा यकिन गर्न अहिले डीएनए टेष्टको लागि नेपाल ल्याइएको छ ।

रुसी सेनामा भर्ती भएर युक्रेनसँग युद्ध गरेर ज्यान गुमाउने नेपालीको संख्या ३३ पुगेको छ । परराष्ट्रले यसअघि नै १७ जनाको ज्यान गइसकेको जानकारी सार्वजनिक गरिसकेको हो ।