सांग्रिला डेभलपमेन्ट बैंक र दुसित प्रिन्सेस काठमाडौं बीच सम्झौता पत्रमा हस्ताक्षर

६ चैत, बालुवाटार । काठमाडौं स्थित सांग्रिला डेभलपमेन्ट बैंक लिमिटेड र लाजिम्पाट काठमाडाैंमा स्थित पाँच तारे होटल दुसित प्रिन्सेस काठमाडाैँ बीच सम्झौता पत्रमा हस्ताक्षर भएको छ । बैंकका ग्राहक र बैंकका कर्मचारीहरूलाई होटलसँग सम्बन्धित सेवा तथा सुविधाहरु (रेष्टुरेन्ट, आवास तथा अन्य सुविधा) प्रदान गर्ने उद्देश्यले सम्झौता पत्रमा हस्ताक्षर भएको हो । 

सम्झौता पत्रमा बैंकको तर्फबाट बैंकका प्रमुख संचालक अधिकृत अपूर्व प्रसाद जोशी र होटल दुसित प्रिन्सेस काठमाडाैं तर्फबाट उक्त होटलका क्लस्टर महाप्रबन्धक समिर बनर्जीले हस्ताक्षर गरेका हुन् । सम्झौता अनुसार सांग्रिला डेभलपमेन्ट बैंक लिमिटेडका ग्राहक महानुभावले भिसा डेबिट कार्ड तथा मोबाइल बैंकिङ्ग प्रयोग गरी होटल दुसित प्रिन्सेस काठमाडौंमा खाना तथा पेय पदार्थमा २० प्रतिशत तथा बैंकका कर्मचारीहरूले खाना तथा पेय पदार्थमा २५ प्रतिशत र आवास लगायत अन्य सेवामा कर्पोरेट डिस्काउन्ट प्राप्त गर्न सक्ने बैंकले जनाएको छ ।

साथै बैंकका कर्मचारीहरूलाई भोजका निम्ति हलहरुमा पनि विशेष छुट दिएको ब्यहोरा सम्झौता पत्रमा उल्लेख गरिएको छ । यस सम्झौताले बैंकमा कार्यरत कर्मचारीहरू तथा ग्राहक महानुभावहरूलाई प्रत्यक्ष तथा अप्रत्यक्ष रुपमा फाइदा पुग्ने विश्वास बैंकले लिएको छ ।