काठमाडौं उपत्यकामा सिमसिम वर्षा (फोटोफिचर)

७ चैत, काठमाडौं । लामो समयपछि काठमाडौं उपत्यकामा वर्षा भएको छ । बिहान ९ बजेदेखि वर्ष सुरु भएको जल तथा मौसम विज्ञान विभाग, मौसम पूर्वानुमान महाशाखाले जनाएको छ ।

उपत्यका आसपासका क्षेत्रमा अहिले पानी परेको सूचना प्राप्त भएको मौसम विभागले जनाएको छ । महाशाखाले मंगलबारबाट पश्चिम नेपालमा पश्चिमी न्यून चापीय प्रणालीको असर देखिने बताएको थियो ।

अहिले देशभर बदली भएको छ । कोशी र मधेश प्रदेशका केही स्थानमा भने वर्षा पनि भएको छ । यस्तो अवस्था भोलिसम्म रहने सम्भावना रहेको जल तथा मौसम विज्ञान विभागको मौसम पूर्वानुमान महाशाखाले जनाएको छ ।