राष्ट्रिय योजना आयोगको सदस्यमा ४ जनाले पाए नियुक्ति

८ चैत, काठमाडौं । सरकारले राष्ट्रिय योजना आयोगमा चार जनालाई सदस्यमा नियुक्त गरेको छ । सत्ता समीकरण परिवर्तन भएपछि यसअघि चार जना सदस्यले राजीनामा दिएका थिए । 

बिहीबार बिहान बसेको मन्त्रिपरिषद् बैठकले ललितपुरका डा. अरनिको पाण्डे, काठमाडौंकी प्रा. संगीता सिंह, जुम्लाका डा. कुशरेन्द्र बहादुर महत र पाल्पाका प्रा. शिवराज अधिकारीलाई राष्ट्रिय योजना आयोगका सदस्यमा नियुक्त गर्ने निर्णय गरेको हो ।