बीआरआईमा थप अन्योल, मन्त्रिपरिषदले निर्णय गर्न सकेन
नेपालबहस संवाददाता
चैत ८, २०८० बिहिबार १३:८:२२
८ चैत, काठमाडौं । नयाँ सत्ता समीकरण बनेपछि प्रचण्ड नेतृत्वको सरकार चीनतर्फ झुकेको चर्चा चलिरहेका बेला चीनसँग जोडिएको बहुचर्चित बेल्ट एण्ड रोड इनिसियटिभ (बीआरआई) परियोजना कार्यान्वयन सम्झौताबारे थप अन्योलता बढेको छ । चैत ११ गते चीनको भ्रमणमा जान लागेका परराष्ट्रमन्त्री नारायणकाजी श्रेष्ठले उक्त सम्झौता कार्यान्वयनबारे चीन सरकारसँग सम्झौता गर्ने भनिएको थियो ।
बीआरआई परियोजनाबारे नेपालमा राजनीतिक दलबीच विवाद छ । परियोजना कार्यान्वयन सम्झौता गर्न नेपाल सरकारले आधिकारिक निर्णय गर्नुपर्छ । तर, चीन भ्रमणको पूर्वसन्ध्यामा बिहीबार बिहान बसेको मन्त्रिपरिषदको बैठकले यसबारे निर्णय गर्न सकेन । बीआरआई परियोजनाबारे मन्त्रिपरिषदमा लामो छलफल भएपनि कार्यान्वयनका लागि सम्झौता गर्ने भनेर निर्णय गर्न मन्त्रिपरिषदले सकेन् ।
मन्त्रिपरिषदले निर्णय गर्न नसकेपछि परराष्ट्रमन्त्री श्रेष्ठको चीन भ्रमणका क्रममा बीआरआईबारे चीन सरकारसँग छलफल नै नहुने स्थिति देखिएको छ । उपप्रधान तथा परराष्ट्रमन्त्री श्रेष्ठले चैत ११ गतेदेखि चीनको भ्रमण गर्दैछन् । बीआरआई लामो समयदेखि अड्किएर बसेको छ । परियोजनामा चर्को ऋणको विषय आएपछि सरकारले कार्यान्वयन सम्झौता गर्ने निर्णय गर्न नसकेको हो ।
चीनले अगाडि बढाएको बीआरआई परियोजनामा नेपाल समावेश भए पनि यसको कार्यान्वयन सम्झौता हुने कुरामा विवाद छ । नेपालले बीआरआई अन्तर्गत नौ वटा परियोजना राख्ने गरी चीन समक्ष प्रस्ताव गरेको पनि वर्षै भइसकेको छ । तत्कालीन नेकपा नेतृत्वको सरकारका प्रधानमन्त्री केपी शर्मा ओलीले पनि बीआरआई बारे सम्झौता गर्न खोजेका थिए । तर, सहमति जुटेको थिएन ।
बिहान बसेको मन्त्रिपरिषद बैठकले बीआरआई सम्झौताबारे छलफल गरे पनि कुनै निर्णय नगरेपछि यो परियोजना के हुने भन्ने थप आशंका बढेको छ । माओवादीका नेताको भनाइमा परराष्ट्रमन्त्रीको अहिले हुन लागेको चीन भ्रमणकै बेला बीआरआई सम्झौता हुँदैन, परराष्ट्रमन्त्री बीआरआई सम्झौता गर्न बेइजिङ जान लागेको होइन । पछि कुनै अनुकूल समयमा बीआरआई सम्झौता हुन सक्छ, त्यो अहिले हुँदैन ।
बीआरआई भूराजनीतिसँग जोडिएको परियोजना भएकाले पनि सरकारले सम्झौता गर्ने आँट नगरेको हो । परराष्ट्रमन्त्री श्रेष्ठको चैत ११ गतेदेखि हुने एक साता लामो चीन भ्रमणमा दुई पक्षीय वार्ताको क्रममा नेपाल–चीनबीच बीआरआई सम्झौता गर्ने भनिएको थियो । एमाले चीनसँग बीआरआई सम्झौता गर्न चाहन्छ भने कांग्रेसले चर्को ऋणमा परियोजनाको सम्झौता गर्न नसकिने बताउँदै आएको छ । नेकपा माओवादी भने जता पनि उस्तै देखिएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपबालुवाटार छलफलबाट समिति गठन हुने आश्वासन लिएर फर्कियो कांग्रेस
जेठ ५, २०८१ शनिबार
संसदको गतिरोध हटाउनेबारे सत्ता पक्ष र विपक्षीसँग छलफल गर्दै सभामुख
जेठ ५, २०८१ शनिबार
बागमतीमा विषयगत समितिको सभापति चयन गरिँदै
जेठ ५, २०८१ शनिबार
अवनतिको बाटो फेर्न लागेको राजनीति र सुरक्षा चासो
सुबोधकुमार अधिकारी
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
नेपालबहस संवाददाता
जेठ ४, २०८१ शुक्रबार
सुनको मूल्यमा गिरावट, तोलाको कति ?
नेपालबहस संवाददाता
जेठ ४, २०८१ शुक्रबार
विद्यार्थी मृत फेला परेपछि आक्रोशित भिडद्वारा स्कुलमा आगलागी
जेठ ४, २०८१ शुक्रबार
संसदीय छानबिन समिति बनाउन कांग्रेसले गरेको मागमा विपक्षी दल एकजुट
जेठ ४, २०८१ शुक्रबार
देशभर गर्मी बढेको बढ्यै, अधिकतम तापक्रम ४० डिग्रीमाथि
जेठ ४, २०८१ शुक्रबार
पिस कोर स्वयंसेवकको पहिलो समूहले लिए शपथ ग्रहण
जेठ ५, २०८१ शनिबार
जनकपुरमा सवारी दुर्घटनामा पत्रकार रोहिताको मृत्यु
जेठ ५, २०८१ शनिबार
बालुवाटार छलफलबाट समिति गठन हुने आश्वासन लिएर फर्कियो कांग्रेस
जेठ ५, २०८१ शनिबार
संसदको गतिरोध हटाउनेबारे सत्ता पक्ष र विपक्षीसँग छलफल गर्दै सभामुख
जेठ ५, २०८१ शनिबार
बागमतीमा विषयगत समितिको सभापति चयन गरिँदै
जेठ ५, २०८१ शनिबार
नेपाल प्रहरीका ४ एसएसपीलाई डिआइजीमा बढुवा सिफारिस
जेठ ५, २०८१ शनिबार