बाराका हावाहुरि पीडितलाई केसी दाजुभाइले दिए राहत

काठमाडौं । यशोदादेवी भगवाननरसिंह केसि मेमोरियल ट्रस्टको समन्वयमा बारा जिल्लामा गएको हावा हुरिबाट प्रभावित नागरिकले राहत पाएका छन् । फेटा गाउपालिका वडा नम्बर १ को भलोलि र भलोरीया बस्तिका चारसय घरधुरीलाई दाल, चामल लगायतका खाद्यान्न बितरण भएको छ ।

संस्थाका सल्लाहकार, नेपाली काङ्ग्रेसका पुर्व सहमहामन्त्री अर्जुननरसिंह केसी साथमा यशोदादेबि भगबाननरसिंह केसी मेमोरियल ट्रष्टका अध्यक्ष डा. केदार नरसिंह केसी, नुवाकोट काङ्ग्रेसका सभापति तथा ट्रष्ष्टका महासचिव जगदिश्वर जरसिंह केसिको उपस्थितिमा राहत सामग्री बितरण गरीएको हो ।

राहतको साथै अति आवश्यक प्रारम्भिक स्वास्थ्य सामग्री र औषधि यशोदादेबि भगबानसिंह केसी ट्रष्ट र बीपी स्मृति अस्पताल बसुन्धाराको सहयोगमा बितरण गरिएको स्थानीय बासिन्दा एबम विद्यार्थी नेता राजेश रौनियारले जानकारी दिएका छन् ।