वित्तीय प्रणालीबाट नेपाल राष्ट्र बैंकले तान्यो १ खर्ब

९ चैत्र, काठमाडौं । हिजो बिहीबार र आज शुक्रबार गरी नेपाल राष्ट्र बैंकले १ खर्ब रकम तानेको छ । अधिक तरलता व्यवस्थापनका लागि रकम तानिएको हो । बैंक तथा वित्तीय संस्थाहरुले कर्जामा लगानी बढाउन नसक्दा राष्ट्र बैंकले दुई दिनमा १ खर्ब रकम तान्नुपरेको राष्ट्र बैंकको भनाइ छ । आज ५० अर्बको बोलकबोल भएको छ । 

विहीबार १४ दिनका लागि ५० अर्ब रकम खिचेको राष्ट्र बैंकले शुक्रबार फेरि २१ दिनका लागि ५० अर्ब नै तरलता खिचेको छ । दुई दिनमा १ खर्ब रकम वित्तीय प्रणालीबाट झिकिएको छ । निक्षेप संकलन खरिदका लागि आज बैंक तथा वित्तीय संस्थाले घटीमा १० करोड र बढीमा पाँच करोड रुपैयाँले भाग गर्दा निःशेष भाग जाने गरी बोलकबोल गरेका छन् । 

निक्षेप संकलन उपकरणको बोलकबोलमा ‘क’, ‘ख’ र ‘ग’ वर्गका बैंक तथा वित्तीय संस्था मात्र सहभागी हुन पाउने व्यवस्था छ । यसरी खरिद गरेको निक्षेप संकलन उपकरण अन्य बैंक तथा वित्तीय संस्थामा धितोको रुपमा प्रयोग गर्न सकिन्छ । राष्ट्र बैंकले खिचेको १ खर्ब ४१ अर्ब बिहीबार फिर्ता गरेको छ । स्थायी तरलता सुविधा मार्फत लिएको पैसा परिपक्क भएपछि सो रकम फिर्ता भएको हो ।