होलीमा काठमाडौंको सुरक्षामा कडाई, ठाउँठाउँमा चेकिङ

११ चैत, काठमाडौं । आज होली पर्वमा प्रहरीले काठमाडौं उपत्यकाको सुरक्षा व्यवस्थालाई कडा बनाएको छ । विहान ९ बजेदेखि नै प्रहरीले उपत्यकाका मुख्य र भित्री सडकमा सुरक्षाकर्मी खटाएर चेकजाँच गरिरहेको छ । 

सवारी नियमविपरीत सवारी साधन चलाउने प्रवृत्तिलाई निस्तेज गरी सम्भावित सडक दुर्घटना रोक्नका लागि उपत्यकामा ट्राफिक चेकजाँच कडा पारिएको जनाएको छ । मूल सडक र भित्री सडकहरूमा चेकप्वाइन्ट खडा गरी बिहानैदेखि ट्राफिक चेकजाँच भइरहेको छ ।

काठमाडौं उपत्यका ट्राफिक प्रहरी कार्यालयका अनुसार आज उपत्यकाका ९० भन्दा बढी स्थानमा ट्राफिक चेकजाँचको व्यवस्था मिलाइएको छ भने ९ सय भन्दा बढी ट्राफिक प्रहरी खटाइएको छ । बिहानैदेखि मापसे र लापसे चेकिङदेखि अन्य चेकजाँच भइरहेको छ । 

प्रहरीले ३० वटा मोबाइल भ्यान परिचालन गरिएको जनाएको छ । अनावश्यक हर्न बजाउने, होहल्ला गरी सवारी चलाउने, मोडिफाइ गरी ठूला आवाज निकाल्ने,  तीन जना चढ्ने, हेल्मेट नलगाउने, तिब्रगति र जिकज्याक गरि मोटरसाइकल कुदाउने उपर विशेष निगरानी गरिनेछ भने अन्य ट्राफिक नियम उल्लंघन गर्नेलाई समेत कडाईका साथ कारबाही गरिनेछ ।