बसन्तपुरमा फागु पूर्णिमाको ठूलो उत्सव ( फाेटाे फिचर )

११ चैत, काठमाडौं । फागु पूर्णिमा 'होली' पर्व आइतबार काठमाडौं उपत्यकासहित पहाडी जिल्लामा रङ खेलेर मनाइएको छ । साथी र आफन्तबीच आपसमा रङ दलेर खुसियाली साटासाट गर्ने पर्व फागु पूर्णिमाको दिन सरकारले सार्वजनिक बिदा पनि दिएकाे छ ।

काठमाडौं उपत्यकाको बसन्तपुरमा फागु पूर्णिमाको ठूलो उत्सव छ । न्यूरोड गेटदेखि बसन्तपुरसम्म मानिसहरूको ठूलो घुइँचो लागेको थियो । सबै मानिसहरु विभिन्न रंगले रंगिएका थिए ।

वसन्त ऋतुको आगमनसँगै आपसी मेलमिलाप र सद्भावनाको रूपमा मनाइने होली रंगहरुको पर्व होली उपत्यका सहित पहाडी क्षेत्रमा धुमधामका साथ मनाइएको छ । फागु पर्वको अवसमार काठमाडौंको वसन्तपुरमा हर्षोल्लास छाएको छ।

फागु पर्व मनाउन ठाउँ-ठाउँबाट भेला भएका युवायुवतीहरू वसन्तपुर, हनुमानढोका दरबार क्षेत्रमा आइतबार बिहानैदेखि आपसमा रङ दलेर उमंग साटिरहेका छन्। तस्बिर : नेपाल फोटो लाइब्रेरी ।