सिद्धार्थ प्रिमियर इन्स्योरेन्सको शेयर लिलामी खुल्यो

१३ चैत, काठमाडौं । सिद्धार्थ प्रिमियर इन्स्योरेन्सले आजदेखि संस्थापक शेयर लिलामी बिक्री खुला गरेको छ । इन्स्योरेन्सले २ लाख ८७ हजार ५०० कित्ता शेयर लिलामी बिक्री खुला गरेको हो । कम्पनीका अनुसार यस लिलामी शेयरमा कम्पनीका संस्थापक शेयरधनी वा अन्य संघसस्था तथा सर्वसाधारणले पनि आवेदन दिन सक्नेछन् ।

यसमा न्यूनतम २१० रुपैयाँ वा सो भन्दा बढी मूल्य कबोल गरी गोप्य शिलबन्दी बोलपत्र पेश गर्नुपर्नेछ । लगानीकर्ताले न्यूनतम ५ हजार कित्तादेखि अधिकतम सबै कित्ताका लागि आवेदन दिन सक्नेछन् ।

यसमा चैत २० गतेसम्म आवेदन दिन मिल्नेछ । आवेदकले बिक्री प्रबन्धक एनआइसी एसिया क्यापिटल, ट्रेड टावर थापाथली काठमाडौंमा पुग्ने गरी आवेदन बुझाउनुपर्नेछ ।