ठूलो दुर्घटनाबाट जोगियो श्री एयरको जहाज, ७७ यात्रु सुरक्षित

१५ चैत, काठमाडौं । श्री एयरलाइन्सको जहाज ठूलो दुर्घटनाबाट जोगिएको छ । बिहीबार बिहान धनगढीबाट काठमाडौं आएको जहाज मौसम खराब भएपछि त्रिभुवन विमानस्थलमा बस्न सकेन । करिब अढाई घण्टा आकाशमा घुमाएर जहाजलाई भैरहवा विमानस्थल लगेर अवतरण गरियो । 

धनगढीबाट ७७ जना यात्रु लिएर काठमाडौं हिँडेको जहाज भैरहवामा सकुशल अवतरण गरि पुनः काठमाडौं पठाइएको श्री एयरलाइन्सले जनाएको छ । जहाज बिहीबार बिहान ७ बजेर २२ मिनेट जाँदा धनगढीबाट उडेको थियो । 

काठमाडौँको मौसम खराब हुँदा जहाज आकाशमै झण्डै अढाई घण्टा होल्ड भएको थियो । काठमाडौं आइपुगेको जहाज आकाशबाटै फर्काएर भैरहवामा आपतकालीन अवतरण गरिएको हो । जहाजमा २ बालबालिकासहित ७७ जना यात्रु सवार थिए । भैरहवाबाट जहाज काठमाडौ आएर सकुसल अवतरण भएको छ ।