८ सय ७७ प्रहरी काजबाट फिर्ता

१५ चैत, काठमाडौं । नेपाल प्रहरीले खाज पठाएका ८ सय ७७ जना प्रहरी कर्मचारीलाई दरबन्दीमा फिर्ता गरेको छ । १० चैत २०७९ देखि ३० फागुन २०८० सम्मको अवधिमा नियम विपरीत काजमा खटाइएका  ८ सय ७७ जनालाई दरबन्दीमा फिर्ता गरिएको हो ।

सो समयदेखि अहिलेसम्म काजमा खटिएका प्रहरी कर्मचारीको काज रद्द गरी दरबन्दीमै फिर्ता गरिएको प्रहरीका प्रवक्ता भीमप्रसाद ढकालले जानकारी दिए । संगठन र व्यक्तिको लागि अति आवश्यक बाहेकको हकमा अहिले काज नगर्ने हेडक्वाटरको नीति रहेको उनले बताए । 

उनका अनुसार पछिल्लो १ वर्षमा ४ हजार ३४ प्रहरी कर्मचारीको बढुवा गरिएको छ । ३० हजार ६६२ प्रहरीको सरुवा गरिएको छ ।