एसएसपी अधिकारी सशस्त्रको डीआईजीमा सिफारिस

१६ चैत, काठमाडौं । सशस्त्र प्रहरीका एसएसपी दीपक अधिकारी डीआईजी बढुवामा सिफारिस भएका छन् । गृह मन्त्रालयले सशस्त्र प्रहरी बलको रिक्त एक सशस्त्र प्रहरी नायव महानिरीक्षक (डीआईजी) पदमा बढुवा सिफारिस गरेको छ ।

बढुवा समितिले सशस्त्र प्रहरी बलका (एसएसपी) दीपक अधिकारीलाई डीआईजीमा बढुवा गरेको हो । २०५९ कार्तिक २६ मा सशस्त्र प्रहरी बलको निरीक्षकबाट अधिकारीले सेवा सुरु गरेका हुन् । उनकै ब्याचीमध्ये चारजना यसअघि नै डीआईजी भइसकेका छन् ।

डीआईजीको १६ दरबन्दीमध्ये एक पद मात्रै रिक्त थियो । एक पदमा अधिकारी बढुवा भएसँगै डीआईजीको पदपूर्ति भएको छ ।