देउवाले बोलाए केन्द्रीय कार्यसम्पादन समितिको बैठक

१८ चैत, काठमाडौं । नेपाली कांग्रेसका सभापति शेरबहादुर देउवाले मंगलबार पार्टीको केन्द्रीय कार्यसम्पादन समितिको बैठक बोलाएका छन् । उनले पार्टीका विभिन्न विषयमा छलफल आवश्यक भएको भन्दै बैठक बोलाएका हुन् । 

देउवा निवास बुढानीलकण्ठमा मंगलबार दिउँसो २ बजे बस्ने गरी बैठक बोलाइएको मुख्यसचिव कृष्णप्रसाद पौडेलले नेपालबहसलाई जानकारी दिए । कांग्रेसको केन्द्रीय कार्यसम्पादन समितिमा पार्टी पदाधिकारी र वरिष्ठ केन्द्रीय सदस्यहरु रहेका छन् ।

कांग्रेसले आज इलाम र बझाङमा हुने उपनिर्वाचनका लागि उम्मेदवारको टुंगो लगाउने भनेको थिए । सभापति देउवाले नै चैत १८ गते आइतबार उम्मेदवारको टुंगो लाग्ने बताएका थिए । तर, कार्यसम्पादन समितिको बैठक भने मंगलबार बोलाइएको छ ।