मुक्तिनाथ विकास बैंकद्वारा वित्तीय साक्षरता कार्यक्रम सम्पन्न

 १९ चैत, काठमाडाैं । मुक्तिनाथ विकास बैंक लिमिटेडले वित्तीय साक्षरता अभिवृद्धि गर्न धादिङ जिल्लाको विभिन्न स्थानमा वित्तीय साक्षरता कार्यक्रम सम्पन्न गरेको छ।

बैंकले धादिङको रोराङ गाउँपालिका– ५ स्थित सुन्दरदीप महिला विकास बहउद्देश्यीय सहकारी संस्थामा आबद्ध महिलालाई र थाक्रे गाउँपालिका– १० स्थित ठूलोपोखरीका स्थानीयवासीलाई वित्तीय साक्षरता कार्यक्रम सम्पन्न गरेको हो।

उक्त कार्यक्रममार्फत् बैंकिङ कारोबार गर्दा ध्यान दिनुपर्ने विषयहरू, डिजिटल बैंकिङ प्रविधि र बैंकिङ क्षेत्रका विविध आयामबारे जानकारी गराइएको थियो। स्थानीय तहमा वित्तीय कारोबारबारे चेतना तथा पहुँच पुर्‍याउने उद्देश्यले उक्त कार्यक्रम गरेको बैंकले जनाएको छ।