इलाम -२ मा माओवादीबाट शर्मा उम्मेदवार

१९ चैत, इलाम । नेकपा माओवादीबाट इलाम क्षेत्र नं. २ मा धीरेन्द्र शर्मा तिम्सिना उम्मेदवार  सिफारिश भएका छन् । माओवादीको जिल्ला कमिटीले उपनिर्वाचनका लागि उनको एकल नाम प्रदेश कमिटी समक्ष सिफारिश गरेको हो । 

उम्मेदवारका रूपमा एकल सिफारिश भएपछि आफूले चुनावको तयारी थालेको तिम्सिनाले बताए ।  इलाम माओवादी जिल्ला समितिले तिमिल्सिनाको नाम सिफारिस गरेको कोशी प्रदेश अध्यक्ष हर्कबहादुर नेम्बाङले जानकारी दिए । 

इलाम २ मा एमालेले सुहाङ नेम्वाङ र रास्वपाले मिलन लिम्बुलाई उम्मेदवार घोषणा गरिसकेको छ । कांग्रेसले भने उम्मेदवार चुन्न छलफल गरिरहेको छ भने भोली मंगलबार केन्द्रीय कार्यसम्पादन समितिको बैठक बोलाएको छ ।