नेकपा एसकी सांसद रमा आलेले लिइन् मन्त्रीको शपथ

२० चैत, काठमाडौं । नेकपा एकीकृत समाजवादीकी सांसद रमा आले मगरले मन्त्री पदको शपथ लिएकी छिन् । उनले विना विभागीय मन्त्रीको रुपमा शपथ लिएकी हुन् । मन्त्री आलेलाई प्रदेश प्रमुख यादवचन्द्र शर्माले मंगलबार बिहान पद तथा गोपनीयताको शपथग्रहण गराएका हुन् ।

मुख्यमन्त्री जम्मकट्टेलले विश्वासको मत लिए लगत्तै सोमबार साँझ आलेलाई विना विभागीय मन्त्री नियुक्त गरेका थिए । एकीकृत समाजवादीबाट बागमती प्रदेशमा प्रत्यक्ष निर्वाचित एक्ली महिला सांसद आले मन्त्री बनेकी हुन् ।