चैत २८ मा ताेकियो राष्ट्रियसभा उपाध्यक्षको निर्वाचन

२१ चैत, काठमाडौं । चैत २८ गतेका लागि राष्ट्रिय सभामा रिक्त रहेको उपाध्यक्ष पदको निर्वाचन तोकिएको छ । राष्ट्रिय सभाका अध्यक्ष नारायण दाहालले चैत २८ गते राष्ट्रिय सभा उपाध्यक्षको निर्वाचनको मिति तोकेका हुन् । 

गठबन्धन दलको सहमति अनुसार गत चैत १५ गते उपाध्यक्ष अर्यालले पदबाट राजीनामा गरेकी थिइन् ।  अर्को उपाध्यक्ष कुन दलबाट कसलाई बनाउने भन्ने बारेमा गठबन्धन दलहरूबीच सहमति जुटेको छैन । निर्वाचनको कार्यक्रम सम्बन्धी सूचना प्रकाशन गर्न संसदका महासचिव पदमप्रसाद पाण्डेयलाई निर्देशन दिइएको छ ।