जिल्ला र उच्चको निर्णय बदर गर्दै सर्वोच्चले दियो न्यायाधीश गिरीलाई थुनामा पठाउने आदेश
![नेपालबहस संवाददाता](
https://nepalbahas.prixacdn.net/media/albums/NB_T3X4AROp05.jpeg
)
नेपालबहस संवाददाता
चैत २१, २०८० बुधबार १७:४६:२७
![](https://nepalbahas.prixacdn.net/media/albums/Bhuwan_KC1670319220_aiGlFsF6kx_FCGyfGk7Df.jpg)
२१ चैत, काठमाडौं । जिल्ला र उच्च अदालतको निर्णय बदर गर्दै सर्वोच्च अदालतले न्यायाधीश भुवन गिरीलाई वैवाहिक बलात्कारको मुद्दामा पुर्पक्षका लागि थुनामा पठाउन आदेश दिएको छ । सर्वोच्चले पीडित र प्रतिवादी बीच यस भन्दा पहिले पनि वैवाहिक जबरजस्ती करणी र सम्बन्ध विच्छेद मुद्दा चलिरहेको भन्दै सम्बन्ध नै विवादमा रहेका बेला एक्लै पीडितको कोठामा जाने विषय पनि स्वाभाविक नदेखिएको उल्लेख गरेको छ ।
सर्वोच्चका न्यायाधीशद्वय हरि फुयाँल र तिलप्रसाद श्रेष्ठको संयुक्त इजलासले यसअघि काठमाडौं जिल्ला अदालतको न्यायाधीश गिरीलाई धरौटीमा छोड्ने र त्यसलाई सदर गर्ने उच्च अदालतको आदेश बदर गरेको हो । सर्वोच्चले उनलाई थुनामै राखेर अनुसन्धान गर्न आदेश गरेको हो ।
समग्र प्रमाणहरूलाई आधार मान्दा अहिले नै यी प्रतिवादी कसूरदार रहेनछन् भन्न सकिने अवस्था नहुँदा यी प्रतिवादी परिवर्तित नाम २६ परिसर २६ (क) ०७९/०८० लाई मुद्दाको पुर्पक्षको लागि धरौटी तारेखमा राख्ने गरी काठमाडौं जिल्ला अदालतबाट मिति २०५०।१।१९ मा भएको आदेशलाई सदर गर्ने गरी उच्च अदालत पाटनबाट मिति २०८०।५।२१ मा भएको आदेश वेरितको देखिँदा बदर गरी दिएको छ, सर्वोच्चको आदेशमा भनिएको छ ।
अब प्रस्तुत मुद्दामा पछि फैसला हुँदाको बखत ठहरे बमोजिम हुने गरी निज प्रतिवादीलाई मुलुकी अपराध संहिता, २०७४ को दफा ६७ (१)(ख) बमोजिम मुद्दाको पुर्पक्षको लागि थुनामा राखी कानून बमोजिम गर्नु भनिएको छ । न्यायाधीश गिरीविरुद्धको वैवाहिक बलात्कार मुद्दामा श्रीमतीका तर्फबाट वरिष्ठ अधिवक्ताहरू योगेन्द्रबहादुर अधिकारी, अधिवक्ताहरू रेवतीराज त्रिपाठी, बलराम सुवेदी, चन्द्रप्रसाद शिवाकोटी र वासु ज्ञवलीले बहस गरेका थिए ।
उनका तर्फबाट सहन्यायाधिवक्ता गोविन्द खनाल, उपन्यायाधिवक्ताहरू शान्ति न्यौपाने र विनोद श्रेष्ठ पनि बहस गरेका थिए । न्यायाधीश गिरीले भने बयानका क्रममा कसुर इन्कार गरेका थिए । प्रतिवादी परिवर्तित नाम २६ परिसर २६ (क) ०७९÷०८० ले बयान गर्दा कसुरमा इन्कार रही बयान गरेको भए पनि वारदात भएको भनिएको मितिमा पीडितको कोठामा गई त्यो रात १० बजेदेखि भोलिपल्ट दिउँसो ३ बजेसम्म पीडितकै कोठामा रहेको र त्यहीँबाट पक्राउ परेको तथ्यलाई स्वीकार गरेको देखिन्छ, सर्वोच्चले भनेको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपआफूमाथि बलात्कार नभएको भन्दै सन्दीपविरुद्ध मुद्दा अगाडि नबढाउन गौशाला–२६ ले दिइन निवेदन
साउन ११, २०८१ शुक्रबार
बेचन झालाई थुनामुक्त गर्न सर्वोच्चले दिएन आदेश
साउन १०, २०८१ बिहिबार
उच्च अदालतमा फेरिए रजिस्ट्रार, फैसला कार्यान्वयन निर्देशनालयको महानिर्देशकमा सिंह
साउन १०, २०८१ बिहिबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
नेपालबहस संवाददाता
साउन ११, २०८१ शुक्रबार
एयरलाइन्सका पाइलट जीवित, चारजनाको शव निकालियो
नेपालबहस संवाददाता
साउन ९, २०८१ बुधबार
बाग्मतीमा कुन्दन काफ्लेको लफडाले रोकियो मन्त्रीहरुको शपथ
साउन ११, २०८१ शुक्रबार
आफूमाथि बलात्कार नभएको भन्दै सन्दीपविरुद्ध मुद्दा अगाडि नबढाउन गौशाला–२६ ले दिइन निवेदन
साउन ११, २०८१ शुक्रबार
यस वर्षको मौद्रिक नीति पारित, घरजग्गा र शेयरबजार नीति लचिलो हुनेमा आशावादी
साउन ११, २०८१ शुक्रबार
चितवनमा ५१ जनामा डेंगु सङ्क्रमण
साउन १२, २०८१ शनिबार
विश्वभर २३३ करोड मानिसले नियमित पर्याप्त खाना पाउँदैन
साउन १२, २०८१ शनिबार
पेरिस ओलम्पिक २०२४ को भव्य उद्घाटन (तस्बिरहरू)
साउन १२, २०८१ शनिबार
पाकिस्तानलाई हराउँदै श्रीलंका महिला एशिया कपको फाइनलमा
साउन १२, २०८१ शनिबार
तपाईको आजको राशीफल कस्तो छ ?
साउन १२, २०८१ शनिबार
आज यी चार प्रदेशमा भारी वर्षा हुने
साउन १२, २०८१ शनिबार