राप्रपाले सत्ता गठबन्धनलाई साथ नदिने

२१ चैत, काठमाडौं । राष्ट्रिय प्रजातन्त्र पार्टी (राप्रपा) ले प्रदेश सरकार निर्माणका क्रममा सत्ता गठबन्धनलाई समर्थन नगर्ने निर्णय गरेको छ । हाल कायम सत्ता गठबन्धनलाई समर्थन नगर्ने बुधबार बसेको पदाधिकारी बैठकबाट निर्णय गरेको हो । 
 
दिनै परेमा विपक्षी गठबन्धनलाई दिने गरी निर्णय भएको राप्रपाका प्रवक्ता मोहन श्रेष्ठले बताए । यसअघिको केन्द्रीय कार्यसम्पादन समितिको बैठकले प्रदेश सरकारलाई पार्टीले समर्थन गर्नुपरेको खण्डमा परिस्थिति हेरेर मत दिने तर सरकारमा भने नजाने निर्णय गरेको थियो । सोही निर्णयलाई निरन्तरता दिँदै आवश्यकताअनुसार मत दिने तर एमाले नेतृत्वको गठबन्धनलाई नदिने निर्णय भएको गरेको छ ।