एमालेबाट राष्ट्रिय सभा उपाध्यक्षमा घिमिरे उम्मेदवार

२२ चैत, काठमाडौं । नेकपा एमालेले सांसद विमला घिमिरेलाई राष्ट्रिय सभाको उपाध्यक्षको उम्मेदवार बनाउने भएको छ । सत्तारूढ दलको सहमतिअनुसार पार्टीले घिमिरेलाई उम्मेदवार बनाउने भएको हो । उनी एमाले केन्द्रीय कमिटी सदस्यसमेत हुन् । 

उर्मिला अर्यालले राजीनामा दिएपछि रिक्त उपाध्यक्षका लागि निर्वाचन हुँदैछ । उपाध्यक्षमा नेकपा एसले पनि दाबी गरिरहेको छ । उपाध्यक्षको उम्मेदवारबारे प्रधानमन्त्री पुष्पकमल दाहाल प्रचण्ड र एमाले अध्यक्ष केपी ओलीले पछिल्लोपटक अलग्गै पनि छलफल गरेका थिए ।