जिल्ला न्यायाधीशका लागि १० जनाको नाम सिफारिस

२३ चैत, काठमाडौं । न्यायपरिषद्ले जिल्ला अदालतको न्यायाधीशका लागि १० जनाको नाम सिफारिस गरेको छ । न्यायपरिषदले न्याय, कानुन तथा सरकारी वकिल समूहका कर्मचारीलाई जिल्ला न्यायाधीशमा सिफारिस गरेको हो । 

सरकारी वकिल समूहबाट जिल्ला सरकारी वकिल कार्यालय दोलखाका प्रमुख अर्जुनप्रसाद कोइराला र महान्यायाधिवक्ता कार्यालयकी उपन्यायाधिवक्ता विमला रेग्मी तथा कानुन समूहबाट ऊर्जा मन्त्रालयका उपसचिव दीपक घिमिरेको सिफारिस भएका छन । 

न्याय समूहबाट सर्वाेच्च अदालतका इजलास अधिकृत नरेन्द्रबहादुर बुढा, उच्च अदालत इलामका रजिस्ट्रार जीवनकुमार भण्डारी, उच्च अदालत पोखराको बाग्लुङ इजलासका रजिस्ट्रार मुकुन्द आचार्य, बाजुरा जिल्ला अदालतका स्रेस्तेदार पुष्पराज पाण्डे, पाल्पा जिल्ला अदालतका स्रेस्तेदार शिवबहादुर थापा, सर्वाेच्चका उपरजिष्ट्रार महेन्द्रबहादुर कार्की र सर्वाेच्चकी इजलास अधिकृत फणेश्वरी घिमिरे न्यायाधीशमा सिफारिस भएका छन् ।