उपनिर्वाचन: इलाम र बझाङमा तोकिए मतदान केन्द्र

२३ चैत, काठमाडौं । निर्वाचन आयोगले इलाम क्षेत्र नं २ को उपनिर्वाचनका लागि ७९ वटा मतदान स्थल र १४९ वटा मतदान केन्द्र तोकेको छ । शुक्रबार विज्ञप्ति जारी गर्दै मतदान स्थल र केन्द्र तोकिएको जानकारी दिइएको हो । प्रदेशसभातर्फ बझाङ–१ ‘क’ मा ७४ मतदान स्थल र ९३ मतदान केन्द्र रहने गरी आयोगले स्वीकृति दिएको छ । 

देशभर कुल १० हजार ८९२ मतदान स्थल स्वीकृत गरिएको आयोगले जनाएको छ । आगामी वैशाख १५ गते रिक्त दुई स्थानका लागि उपनिर्वाचन हुँदै छ । उपनिर्वाचनका लागि भोलि (शनिबार) उम्मेदवारी दर्ता गराउने कार्यसूची छ । त्यसका लागि दलहरूले उमेदवारको टुंगो लगाइसकेका छन् ।