सोमबार बिहान आगो लाग्दा सर्लाहीमा ११ घर जले

२६ चैत, सर्लाही । सोमबार बिहान सर्लाहीको बसबरियामा आगलागी हुँदा ११ घर जलेर नष्ट भएका छन् । बसबरिया गाउँपालिका–३ भवानिपुरको बंगलवास्थित दलित बस्तीमा बिहान ११ बजे आगलागी भएको हो ।

आगलागीबाट ११ परिवारको फुसको घर जलेर नष्ट भएको जिल्ला प्रहरी कार्यालय सर्लाहीका डीएसपी दीपक श्रेष्ठले जानकारी दिए ।आगलागीबाट भएको क्षतिको विवरण संकलनको क झण्डै दुई घण्टा लगाएर आगो नियन्त्रणमा लिइएको थियोा ।

आगलागीबाट ६ घर पूर्ण र ५ घर आंशिक जलेको उनले बताए । आगलागीबाट लाखौँको क्षति भएको अनुमान छ । आगो नियन्त्रणमा लिन जनपद र सशस्त्र प्रहरी, स्थानीयवासी तथा हरिवन र मलंगवा नगरपालिकाका दुईवटा वारुण यन्त्र परिचालन गरिएको थियो ।