राष्ट्रियसभा उपाध्यक्षमा कांग्रेसबाट पुडासैनी उम्मेदवार

२७ चैत, काठमाडौं । नेपाली कांग्रेसले राष्ट्रिय सभाको उपाध्यक्ष पदमा विष्णुदेवी पुडासैनीलाई उम्मेदवारी बनाउने भएको छ । आज बसेको संसदीय दलको बैठकले उम्मेदवारी दिने निर्णय गर्दै पुडासैनीलाई उम्मेदवार बनाउने निर्णय गरेको हो ।  
 
पुडासैनी माघमा भएको राष्ट्रियसभा निर्वाचनमा निर्वाचित भएकी थिइन् । पार्टीले उनैलाई उपाध्यक्षको उम्मेदवार बनाउने निर्णय गरेको हो । राष्ट्रिय सभाको उपाध्यक्ष पदमा आज उम्मेदवारको मनोनयन दर्ता हुँदै छ । उपाध्यक्षका लागि बुधबार निर्वाचनको मिति तोकिएको छ ।