सदन अवरोधबारे छलफल सबै पुगे बालुवाटार

२७ चैत्र, काठमाडौं । प्रधानमन्त्रीको सरकारी निवास बालुवाटारमा प्रमुख दलका नेताहरु छलफलमा जुटेका छन् । सदन अवरोध खुलाउने विषयमा छलफल गर्न प्रमुख राजनीतिक दलका नेताहरू जुटेका हुन् । बालुवाटारमा प्रधानमन्त्री पुष्पकमल दाहाल, सभामुख देवराज घिमिरे, एमाले अध्यक्ष केपी शर्मा ओली, कांग्रेस नेता कृष्णप्रसाद सिटौला, महामन्त्री गगन थापासहितका नेताहरूले जम्मा भएका छन् । 

सभामुख सचिवालयका अनुसार सभामुखले झापा जाने कार्यक्रम रद्द गरेर सदन खुलाउन पहल गरेका हुन् । दिदीको निधन भएपछि सभामुख घिमिरेले झापा जाने कार्यक्रम तय गरेका थिए । उनी आजै झापा जानुपर्ने थियो । तर, कांग्रेसले सरहकारी प्रकरणको छानबिनका लागि संसदीय समिति गठन नभएसम्म सदन चल्न नदिने भनेपछि विहान ११ बजेको संसद बैठक बोलाइएक पनि सभामुखले त्यसलाई खुलाउन पहलगरिरहेका छन् ।