एक घण्टा वित्दा पनि सुरु भएन संसदको बैठक, छलफलमा सभामुख

२७ चैत, काठमाडौं । १५ मिनेटका लागि संसद बैठक स्थगित गरेर फेरी छलफल सुरु गरेका सभामुख देवराज घिमिरेले अझै सहमति जुटाउन सकेका छैनन् । नेपाली कांग्रेसले प्रतिनिधि सभाको बैठकमा अवरोध गरेपछि १५ मिनेटको लागि बैठक स्थगित भएको थियो ।

बैठक स्थगित गरेर सभामुख देवराज घिमिरेले नेपाली कांग्रेस, एमाले, माओवादी, राष्ट्रिय स्वतन्त्र पार्टीलगायत दलका नेताहरूसँग छलफल गरिरहेका छन् ।

गृहमन्त्री रवि लामिछानेमाथि संसदीय छानबिन समिति बनाउने मागबाट कांग्रेस पछि नहटेपछि छलफल निष्कर्षमा पुग्न सकेको छैन ।