११ बजे बोलाइएको संसद बैठक भर्खर सुरु

२८ चैत, काठमाडौं । प्रतिनिधिसभाका सभामुख देवराज घिमिरे र दलका प्रमुख सचेतक बीच छलफल सकिएपछि संसद बैठक सुरु भएको छ । प्रतिनिधिसभाको गतिरोध अन्त्य गर्जे प्रयास स्वरूप सभामुख घिमिरेले दलका प्रमुख सचेतकहरुसँग छलफल गरेका थिए । 

बुधबार बिहान ११ बजेका लागि बोलाइएको बैठक रोकेर उनले छलफल थालेका थिए । उनले हिजो पनि सहमतिका लागि छलफल गरेका थिए । संसद अगाडि बढाउन प्रमुख प्रतिपक्षी दल कांग्रेसले अवरोध गर्ने भएपछि सभामुखले छलफल गरेका हुन । 
 
गृहमन्त्री रवि लामिछानेमाथि सहकारी प्रकरणमा छानबिनका लागि संसदीय समिति बनाउन माग गर्दै कांग्रेसले संसद् अवरुद्ध गर्दै आइरहेको छ । मंगलबार बसेको बैठक कांग्रेसको अवरोधपछि कुनै एजेण्डामा प्रवेश नगरी स्थगित भएको थियो ।