कर्णालीमा मुख्यमन्त्री कँडेलले लिए शपथ

२८ चैत्र, सुर्खेत । कर्णाली प्रदेशका नवनियुक्त मुख्यमन्त्री यामलाल कँडेलले पद तथा गोपनीयताको शपथ लिएका छन् । बुधबार एक समारोहका बीच प्रदेश प्रमुख तिलक परियारले मुख्यमन्त्री कँडेललाई पद तथा गोपनीयताको शपथ गराएका हुन् । 

नेकपा माओवादी केन्द्र र एकीकृत समाजवादीको समर्थनमा मुख्यमन्त्री दाबी गरेका कँडेललाई प्रदेश प्रमुख परियारले मंगलबार मुख्यमन्त्री नियुक्त गरेका थिए । संविधानको धारा १६८ को उपधारा २ बमोजिम प्रदेश प्रमुख परियारले मुख्यमन्त्री कँडेललाई बुधबार पद तथा गोपनीयताको शपथ गराएका हुन् ।