आज ‘इद उल फित्र', सार्वजनिक बिदा

२९ चैत, काठमाडौं । आज सार्वजनिक बिदा दिइएको छ । इस्लाम धर्मावलम्बीले रमजान महिनाको ३० दिनको ‘रोजा’ व्रत हिजो पूरा गरे पछि  ‘इद उल फित्र’ बिहीबार मनाउने भए पछि आज सार्बजनिक बिदा दिइएको हो ।

गृह मन्त्रालयले बुधवार एक सूचना जारी गर्दै बिहिबार सार्वजनिक बिदा दिने निर्णय गरेको जानकारी दिएको थियो ।

इदको दिनमा नमाज पूरा गरे पछि एक अर्कालाई अङ्कमाल गरेर बधाई साटासाट गर्छन् भने घरमा विभित्र परिकार पकाएर खाने गर्दछन् । रमजान महिना उर्दू पात्रोको अनुसार नवौँ महिना हो ।

यो पर्वको ७० औँ दिनमा बकरिद अर्थात ‘इद उल अजहा’ पर्व मनाउने गर्दछन् । यस अवसरमा मुस्लिमहरु  ‘हज’ का लागि साउदी अरबको मक्का मदिना प्रस्थान गर्ने चलन छ ।