सीआईबीलाई देखाएर रवि प्रकरणमा बोलेका कुराबाट आफू उम्कने प्रयासमा प्रधानमन्त्री
मलाई प्रधानमन्त्रीबाट फाल्न नसकेपछि कांग्रेसले रविलाई सहकारीमा जोड्यो
नेपालबहस संवाददाता
चैत २९, २०८० बिहिबार १२:१३:४३
२९ चैत, विराटनगर । प्रधानमन्त्री पुष्पकमल दाहाल 'प्रचण्ड'ले सहकारी ठगी प्रकरणमा उपप्रधान तथा गृहमन्त्री रवि लामिछानेको बचाउका क्रममा आफूले बोलेका कुरामा सीआईबीलाई जोडेर उम्कने प्रयास गरेका छन् । सीआईबीले गलत रिपोर्ट दिएको भए आफू जिम्मेवार हुन नसक्ने र रिपोर्ट अनुसार आफूले संसदमा बोलेको भन्दै बिहीबार विराटनगरमा उनले रवि प्रकरणलाई कांग्रेसको आफूलाई प्रधानमन्त्रीबाट फाल्ने असफल प्रयासको उपज भएको बताएका छन् ।
प्रचण्डले सत्ता समीकरण परिवर्तन हुने बेलामा कांग्रेसले आफूलाई प्रधानमन्त्रीबाट फाल्ने प्रयास गरेको बताए । उनले रविलाई प्रधानमन्त्री बनाएर भएपनि मलाई प्रधानमन्त्री बन्न नदिने रणनीति लिएको कांग्रेस सफल नभएपछि सहकारीको विषयमा रविलाई जोडेर विरोध गर्न थालेको बताए ।
उनले सहकारीको रकम हिनामिना प्रकरणमा मुछिएका उपप्रधान तथा गृहमन्त्री रवि लामिछानेमाथि अनुसन्धान गर्न संसदीय छानबिन समिति आवश्यक नभएको पनि बताए । प्रचण्डले सीआईबीले नै रवि विरुद्ध प्रमाण नभएको भनेपछि आफूले संसदमा त्यही अनुसार बोलेको जानकारी दिए । उनले अनुसन्धान गर्ने निकाय सीआईबीले नै त्यसो भनेपछि थप अनुसन्धान गर्नुपर्ने नदेखिएको र सदनमा त्यही कुरा बोल्दा सहकारी ठगी गर्नेलाई बचाएको भन्ने आरोप लगाइएको बताए ।
उनले भने,‘आफूले प्रहरी प्रमुख, सीआईबी र सम्बन्धित जिल्लाका अधिकारीसँग यो केसको विषयमा बुझे तर, सबैले संलग्न छैन भनेपछि मैले अनुसन्धानकर्ताकै सुझाव अनुसार बोल्या हो पार्लियामेन्टमा ।’ कांग्रेसले रवि लामिछानेलाई प्रधानमन्त्री प्रस्ताव गरेर अहिलेको सत्ता समीकरण रोक्ने कोसिस गरेको तर सफल नभएपछि सहकारीको विषय उठाएको आरोप प्रचण्डको छ ।
प्रचण्डले प्रतिनिधिसभामा देखिएको गतिरोध अन्त्यका निम्ति राजनीतिक तहमा संवाद सुरु भएको र समस्या चाँडै समाधान हुने बताए । उनले सहकारीसँग सम्बन्धित समग्र विषयको अलग्गै अध्ययन गरेर समस्याको समाधान गर्न सकिने र यसमा दलबीच छलफल गरिने जानकारी दिए । अहिले रवि लामिछानेलाई नै केन्द्रमा राखेर समितिको माग गरिएको छ, त्यो मिल्ने कुरो हो जस्तो लाग्दैन ।’
प्रतिपक्ष दलले सहकारी क्षेत्रमा देखिएका समस्या समाधान गर्ने भन्दा पनि गठबन्धन फेरिएपछि यसलाई राजनीतिक मुद्दा बनाइएको उनको भनाइ छ । “पहिले हामीसँगै कांग्रेस सरकारमा थियो, त्यतिखेर यो मुद्दा सामान्य थियो । सरकारबाट निस्केपछि रवि जीलाई केन्द्रमा राखेर समितिको माग गरिएको छ, त्यसैले यो राजनीतिक पूर्वाग्रह जस्तो देखियो, उनले भने । यदि रवि विरुद्ध कुनै प्रमाण भेटिए अनुसन्धान हुने उनले बताए । ‘मैले अनुसन्धानकर्ताहरुकै सुझावअनुसार बोलेपछि मैले कसैलाई बचाउनुपर्ने कुनै कारण पनि छैन । भोलि कुनै प्रमाण देखिन्छ भने अनुसन्धान गर्न सरकार पछि पर्दैन, उनले भने ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपराष्ट्रभाषामा महाधिवेशनको प्रचार प्रसार गर्दै जसपा
बैशाख २०, २०८१ बिहिबार
रायबरेली र अमेठीमा कांग्रेसले कसलाई टिकट दिन्छ ?
बैशाख २०, २०८१ बिहिबार
मन्त्रिपरिषद बैठक बस्नुअघि प्रधानमन्त्री भेट्न सिंहदरवार पुगे अध्यक्ष ओली
बैशाख २०, २०८१ बिहिबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
जीबी राईको हत्या भएको भन्दै प्रचार गर्ने डिल्लीराम खनाल पक्राउ
बैशाख १९, २०८१ बुधबार
भाजपाले दिल्लीमा जनमत पार्टीलाई स्वागत गर्दा जसपा र लोसपालाई किन बोलाइएन ?
बैशाख २०, २०८१ बिहिबार
अधिकांशलाई प्रशासकीय अधिकृतको जिम्मेवारी दिएर ४८ जना उपसचिवहरु सरुवा
बैशाख २०, २०८१ बिहिबार
अप्रिलमा नेपाल भित्रिने पर्यटक १२ दशमलव ७५ प्रतिशतले बढे
बैशाख २०, २०८१ बिहिबार
देशभर वन डढेलोको अवस्था विकराल बन्दै
बैशाख २०, २०८१ बिहिबार
सेतीमा नुहाउने क्रममा बेपत्ता भएका युवकको शव फेला
बैशाख २०, २०८१ बिहिबार
कञ्चनपुरमा लागूऔषधसहित दुई जना पक्राउ
बैशाख २०, २०८१ बिहिबार
राष्ट्र बैंकको कारबाहीमा परे लुम्बिनी विकास र एक्सल डेभलपमेन्ट बैंक
बैशाख २०, २०८१ बिहिबार