नेपालबहस डटकमका प्रधान सम्पादक रिजाल र कार्यकारी सम्पादक भट्टराई सम्मानित

३० चैत, काठमाडौं । नेपालबहस डटकमका प्रधान सम्पादक एवं वरिष्ठ पत्रकार इन्द्रबहादुर रिजाल र कार्यकारी सम्पादक केदार भट्टराई सम्मानित भएका छन् । नेपाल पत्रकार महासंघ काठमाडौं शाखाले, शाखाको १२ औँ अधिवेशनका अवसरमा उनीहरुलाई सम्मानित गरेको हो । 

सदाबहार मिडिया हाउस प्रा.लि.का अध्यक्षसमेत रहेका प्रधान सम्पादक रिजाललाई शाखाका पूर्वसदस्य दिनेश दाहालको स्मृतिमा स्थापना गरिएको ‘दिनेश दाहाल’ स्मृति पत्रकारिता पुरस्कारबाट सम्मानित गरिएको हो भने कार्यकारी सम्पादक भट्टराईलाई युवा पत्रकारिता पुरस्कारबाट सम्मान गरिएको हो ।

उनीहरुलाई पुरस्कार राशीसहित सम्मान पत्रले सम्मान गरिएको शाखाका सचिव महेश गौतमले जानकारी दिए ।पत्रकारद्वयलाई सञ्चार तथा सूचना प्रविधिमन्त्री रेखा शर्मा, नेपाल पत्रकार महासंघका अध्यक्ष विपुल पोखरेल लगायतले सम्मान गरेका हुन् । अधिवेशनका क्रममा विभिन्न विद्यामा विभिन्न व्यक्तिलाई सम्मान गरिएको थियो ।