नयाँ वर्षमा कुमारी बैंकको अफर, भाग्यशाली एक ग्राहकले आइफोन १५ जित्ने मौका

२ वैशाख, काठमाडाैं । कुमारी बैंकले आफ्ना ग्राहकहरूका लागि डिजिटल बैंकिङ अनुभवको अभिवृद्धि गर्नेका लागि एफवान सफ्ट इन्टरनेशनलसँगको सहकार्यमा नयाँ अभियान ‘नयाँ वर्ष २०८१ जितौँ आइफोन १५ एकास्सी’ सुचारु गरेको छ । 

यस अभियान अन्तर्गत कुमारी बैंकका नयाँ तथा पुराना ग्राहकहरूले कुमारी स्मार्ट एप प्रयोग गरी ५ सय रुपैयाँको टपअप र कुनै पनि एउटा डाटा प्याक खरिद गर्दा एक भाग्यशाली ग्राहकले ब्रान्ड न्यु आइफोन १५ जित्न सकिनेछ , । 

यस अभियानमा सहभागी हुनका लागि ग्राहकले आफ्नो नजिकैको शाखाबाट मोबाइल बैकिङमा दर्ता गर्न सकिनेछ । साथै यो अभियानको अवधि वैशाख १ देखि वैशाख ३१ सम्म रहेको छ । 

नेपाली वित्तीय बजारमा आधुनिक बैकिङ सेवाहरू उपलब्ध गराउने उद्देश्यले कुमारी बैंक २०५७ चैत २१ गतेबाट बैकिङ कारोबार सुरु गर्दै नेपालको पन्ध्रौँ वाणिज्य बैंकको रूपमा अस्तित्वमा आएको हो ।

कुमारी बैंकले ३०२ शाखा, ५० वटा एक्सटेन्सन काउन्टर र ६७ वटा शाखारहित बैकिङ एकाइहरूसहित देशका विभिन्न शहरी, अर्धशहरी तथा ग्रामीण भेगमा अवस्थित ४१६ पोइन्टहरूमार्फत आधुनिक बैकिङ सेवाहरू उपलब्ध गराउँदै आएको छ ।