५ जना सचिवको सरुवा, मन्त्रिपरिषदको कार्यालयबाट हटाइए भट्टराई र पोखरेल

२ वैशाख, काठमाडौं । सरकारले ५ जना सचिवहरूको सरुवा गरेको छ । प्रधानमन्त्री तथा मन्त्रिपरिषदको कार्यालयमा रहेका दुई जना सचिवलाई त्यहाँबाट हटाइएको छ । प्रधानमन्त्री तथा मन्त्रिपरिषदको कार्यालयमा रहेका सचिव अर्जुनप्रसाद पोखरेललाई राष्ट्रिय तथ्यांक कार्यालयमा पुर्याएको छ ।  

शुक्रबार बसेको मन्त्रिपरिषद् बैठकले प्रधानमन्त्री तथा मन्त्रिपरिषदको कार्यालयका अर्का सचिव दिनेश भट्टराईलाई महिला बालबालिका तथा ज्येष्ठ नागरिक मन्त्रालयमा सरुवा गरेको छ । महिला बालबलिका मन्त्रालयका सचिव सुमनराज अर्याल युवा तथा खेलकुद मन्त्रालयमा पुगेका छन् ।  

संघीय मामिला तथा सामान्य प्रशासन मन्त्रालयका सचिव विनोदप्रकाश सिंहलाई राष्ट्रिय प्राकृतिक स्रोत तथा वित्त आयोगमा लगिएकाे छ भने उपराष्ट्रपति कार्यालयका सचिव मुकुन्दप्रसाद निरौला संघीय मामिला तथा सामान्य प्रशासन मन्त्रालयमा आएका छन् ।