राजश्व छलीमा शारडा समूहका दुई कम्पनीमाथि राजश्व अनुसन्धान इटहरीले सुरु गर्यो कारवाही
नेपालबहस संवाददाता
बैशाख ४, २०८१ मंगलबार ६:०:२४
३ वैशाख, विराटनगर । सुनसरी मोरङ औद्योगिक करिडोरमा उद्योग सञ्चालन गर्दै आएका उद्योगले २०६७ सालदेखि नै ट्रेडिङबाट व्यवसायीक कारोबार गरेर राजश्व छली गर्ने गरेका घटनाहरु सार्वजनिक भएपछि उद्योगी शारडा समूह संकटमा परेको छ । विराटनगरको घरानियाँ व्यवसायी मानिएको शारडा समूहबाट ट्रेडिङ कारोबारमा सक्रिय बन्दै आएका उद्योगी एवं ट्रेडिङका कारोबारी अनिल शारडा पछिल्लो समय सरकारी निकायको निगरानीमा भएको रहस्य खुलेको छ ।
समाचार स्रोतका अनुसार राजश्व छलीमा उनले गर्दै आएको ट्रेडिङ कारोबारको छानबिन पनि सुरु भएको छ । २०६७ सालमा नै आन्तरिक राजश्व कार्यालय विराटनगरमा जे.एम.डी.एक्सीम नामको ट्रेडिङ फर्म ३०४३९५१८९ को भ्याट नम्बरमा अनिल शारडाको नामबाट दर्ता कायम भई कारोबार गरेको देखिन आएपछि छानविन सुरु भएको हो । भारत तथा तेस्रो मुलुकबाट गाडीमा प्रयोग हुने विभिन्न ब्राण्डका टीयुव र टायर आयात गरी न्यून राजश्व बुझाएपछि उक्त शारडाको ट्रेडिङ फर्मको कारोबारका सम्बन्धमा राजश्व अनुसन्धान सुनसरीले आफ्नो अनुसन्धान सुरु गरेको बताइएको छ ।
एउटा ट्रेडिङ फर्मको कारोबार अनुसन्धान हुँदै गर्दा शारडा समूहकै अनिल सारडाले अर्को एशिएन इम्पेक्स नामको ट्रेडिङ फर्म पनि दर्ता गरी मोटरपार्टसदेखि बल ब्यारिङ्गसमेत आयात गर्दै आएको पाइएको छ । उक्त ट्रेडिङ फर्म पनि आन्तरिक राजश्व कार्यालय विराटनगरमा नै ६०३९२६३०७ भ्याट नम्बरमा २०७२ सालमा दर्ता भइ कारोबार गर्ने गरेका दावी राजश्व स्रोतले दिएको छ ।
यी दुवै शारडाका ट्रेडिङ फर्म मध्ये जे.एम.डी.एक्जीमले १ करोड ७३ लाखको मात्रै कारोबार देखाएर भ्याट तथा आयकर केही नबुझाएका कारण अनुसन्धानको दायरामा आएको हो भने शारडा कै एशिएन इम्पेक्स नामको ट्रेडिङ फर्मले पनि ४ करोड ६९ लाखको कारोबार देखाएर अत्यन्तै न्यून राजश्व बुझाएपछि शारडाका दुवै व्यवसायीक ट्रेडिङ फर्ममाथि एकसाथ अनुसन्धान सुरु भएको बताइएको छ ।
दुवै ट्रेडिङ फर्मको सञ्चालकमा अनिल शारडा रहेका भने एक व्यवसायी ट्रेडिङ फर्ममा सेकेण्डरीका रुपमा प्रविन शारडा रहेको जानकारी प्राप्त भएको छ । अनिल शारडाले सुनसरी मोरङ औद्योगिक करिडोरमा रहेको पायोनियर वायर्स उद्योग पनि संचालन गरिरहेका छन । त्यसै गरी मोरङ व्यापार संघकै भूतपूर्व अध्यक्षसमेत रहेका विराटनगरबाट ट्रेडिङ कारोबारको अग्रपंक्तिमा रहेका कमला ग्लोबलका सञ्चालक शंकरलाल अग्रवालको ट्रेडिङ व्यवसायी फर्म पनि कारवाहीमा परेको राजश्वको उच्च स्रोतले जानकारी दिएको छ ।
अग्रवालले सामान आयात गर्दा भन्सारमा १२ सय डलरको भन्सार मुल्यांकन घटाएर ८ सय डलर मुल्यांकन कायम गरी राजश्व छली गरेको पुष्टि भएसँगै करिब ८० लाख राजश्व रकम बक्यौता देखिएको बताइएको छ । स्रोतका अनुसार शंकरलाल अग्रवालको भ्याट दर्ता ३०००३८७७४ रहेको कमला ग्लोबल ट्रेडिङ फर्ममाथि करिब एक वर्ष अगाडिदेखि राजश्व विभागले गरेको अनुसन्धान पछि उक्त रकममाथि नै एसिससमेन्ट गरेको कुरा बाहिर आएको छ ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टिभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपन्युरोडको आरबी कम्प्लेक्स र पिपुल्स प्लाजालाई कर भुक्तानी र कर विवरण बुझाउन महानगरको पत्र
बैशाख २१, २०८१ शुक्रबार
बुधबारदेखि ठोरी छोटी भन्सार पुनः सञ्चालनमा
बैशाख २०, २०८१ बिहिबार
बार, दोहोरी र क्लबहरुलाई मनोरञ्जन कर तिर्न महानगरको आग्रह
बैशाख १९, २०८१ बुधबार
आईजीकै सचिवालयमा एसएसपी कार्कीको चुरीफुरी !
नेपालबहस संवाददाता
बैशाख १९, २०८१ बुधबार
बिहानै कतार एयरको विमानसँग सिम्रिक हेलिकप्टर ठोक्किन आइपुगेपछि.....
नेपालबहस संवाददाता
बैशाख १८, २०८१ मंगलबार
नबिल बैंकको वीरगञ्ज शाखाबाट १ करोड ३४ लाख नोट चोरी, चोर खोज्दै प्रहरी
नेपालबहस संवाददाता
बैशाख १८, २०८१ मंगलबार
वेस्ट इन्डिज ए सँग नेपालको लगातार तेस्रो हार
बैशाख २०, २०८१ बिहिबार
मटिहानीका खरानीका घर, बौरिने प्रतीक्षामा पीडित
बैशाख २०, २०८१ बिहिबार
अधिकांशलाई प्रशासकीय अधिकृतको जिम्मेवारी दिएर ४८ जना उपसचिवहरु सरुवा
बैशाख २०, २०८१ बिहिबार
कान्ति राजपथमा सवारी आवागमन पूर्ण रुपमा बन्द
बैशाख २१, २०८१ शुक्रबार
ग्लोबल आइएमई बैंकको प्लास्टिक खपत न्यूनीकरणमा प्रतिबद्धता, प्लास्टिकको खपत कम गरिने
बैशाख २१, २०८१ शुक्रबार
छोटो अवधिमा सरकार परिवर्तन भइरहेन कुरा नेपालका लागि महारोग नै भयो: धनराज गुरुङ
बैशाख २१, २०८१ शुक्रबार
आगामी जेठ १३ गतेदेखि देशभर बालबालिकालाई पोलियोविरुद्ध खोप लगाइने
बैशाख २१, २०८१ शुक्रबार
बस खोलामा खस्दा २० को मृत्यु, २१ जना घाइते
बैशाख २१, २०८१ शुक्रबार
कुटपिट गरी हत्या गरेको अभियोगमा दुई जना पक्राउ
बैशाख २१, २०८१ शुक्रबार