धनकुटाको हिलेमा अन्तरपालिका पुरुष भलिबल प्रतियोगिता शुरु

४ वैशाख, धनकुटा । धनकुटाको हिलेबजारमा १७ ओै कोशी प्रदेश अन्तरपालिका राम नवमी कप पुरुष भलिबल प्रतियोगिता सुरु भएको छ । राम नवमी पर्वको अवसरमा हिले भलिबल क्लबको आयोजनामा सञ्चालित भलिबल प्रतियोगिता वैशाख ५ गते सम्म सञ्चालन हुनेछ । 

प्रतियोगितामा कोशी प्रदेशका विभिन्न  ८ वटा  पालिकाको सहभागिता रहेको छ । १७ राम नवमी कप भलिबल प्रतियोगिता सोमबार एक औपचारिक कार्यक्रमका बीच जिल्ला समन्वय समिति धनकुटाका प्रमुख निरन तामाङले उद्घाटन गरेको थियो । 

उद्घाटन कार्यक्रमका प्रमुख अतिथि तामाङ विशिष्ट अतिथि सहिदभूमि गाउँपालिका अध्यक्ष मनोज राई , विशेष अतिथि वडा अध्यक्ष ओङद तामाङ लगायत अतिथिहरुको उपस्थितिमा खेलाडीसँग परिचय तथा बल हस्तान्तरण गर्दै उद्घाटन कार्यक्रम सम्पन्न भएको थियो ।

पहिले खेल दमक नगरपालिका र आयोजक हिले भलिबल क्लब बीच भएको खेलमा दमक २५-१२, दमक २५-१५ दमक १७-२५ दमक २५-१९ दमक ३-१ ले आयोजक हिले भलिबल क्लबलाई हराउँदै दमकले जितेको हो । यस्तै दोस्रो खेल पाख्रीबास नगरपालिका र बराह नगरपालिका बीच भएको खेलमा पाख्रीबास २५-१३, पाख्रीबास २५-१९ पाख्रीबास २७-२५ बराहलाई ३-०  लगाउँदै पाख्रीबासले जितेको राष्ट्रिय रेफ्रि कोशी प्रदेश अध्यक्ष विनय राईले जानकारी दिनुभयो  । 

राम नवमी कप भलिबल प्रतियोगिताका प्रथम पुरस्कार नगद १ लाख ५० हजार ट्रफी मेडल प्रमाणपत्र , दितिय नगद ७५ हजार ट्रफी मेडल प्रमाणपत्र पुरस्कार पाउने हिले भलिबल क्लबका अध्यक्ष सञ्जिव तितुङले जानकारी दिनु भएको छ  । 

मंगलबार बेलबारी र महालक्ष्मी नगरपालिका , सडान्नद भोजपुर र रङ्गगेलि मोरङ लगायत टिमको खेल सञ्चालन हुने छ ।