सुदूरपश्चिमको मुख्यमन्त्रीमा दीर्घ सोडारीलाई समर्थन दिनेबारे एमाले अझै मौन

६ वैशाख, काठमाडौं । नेकपा एमालेका कारण सुदूरपश्चिमको मुख्यमन्त्रीमा दावी पेश गर्ने विषय अन्योलमा परेको छ । मुख्यमन्त्रीमा दाबी पेश गर्ने आज अन्तिम दिन हो । प्रदेश प्रमुख नजिर मियाँले संविधानको धारा १६८ (२) अनुसार मुख्यमन्त्रीमा दाबी पेश गर्न दिएको समय बिहीबार साँझ ५ बजे सकिँदैछ ।

सुदूरपश्चिमको मुख्यमन्त्रीमा एकीकृत समाजवादी संसदीय दलका नेता दीर्घ सोडारीले दाबी पेश गर्ने तयारी गरेका छन् । त्यसका लागि एकीकृत समाजवादी बिहीबार बिहानैदेखि छलफलमा जुटेको छ । तर एमाले भने अझै निर्णयमा पुग्न सकेको छैन । एमालेले सोडारीलाई मुख्यमन्त्रीमा समर्थन गर्न नसकिने संकेत दिएको छ ।

२०७७ सालमा सुदूरपश्चिमको सामाजिक विकास मन्त्री रहेका बेला सोडारी कारबाहीमा परेका थिए ।   एकजना महिलासँगको त्यो अश्लील संवाद सुनेपछि अध्यक्ष ओलीले उनलाई मन्त्रीबाट हटाउन भनेका थिए । र, पार्टीबाटसमेत कारबाही गरेका थिए । यसैले एमालेले सोडारीलाई समर्थन नगर्ने भनेको हो । 

एकीकृत समाजवादीबाट मुख्यमन्त्री बन्दा आपत्ति नहुने तर पात्र परिवर्तन गर्नुपर्ने एमालेको भनाइ छ । एमालेको मनोदशा बुझेरै एकीकृत समाजवादीले सोडारीलाई मुख्यमन्त्रीमा अघि सारेको थियो । तर एमाले सुदूरपश्चिमलाई अध्यक्ष ओलीले कुनै निर्णय नगर्न भनेका छन् ।