बाँकेको एक हर्बल उद्योगमा लागेको आगो निभाउन ११ वटा दमकल

६ वैशाख, बाँके । बाँकेको जानकी गाउँपालिका–६ स्थित बाहुबली हर्बल प्रालिको परिसरभित्र आगलागी भएको छ । हर्बल प्रालिको परिसरभित्र फाल्नलाई संकलन गरिराखेको सल्लो प्रजातिको काठ÷खोटोमा बिहीबार बिहान ७ बजेतिर आगलागी भएको बाँके प्रहरीले जनाएको छ ।

उक्त आगलागी नियन्त्रणमा लिन लागि नेपाल र भारतबाट गरी ११ वटा दमकल प्रयोग गरिएको छ ।  अहिले हर्बल प्रालिको परिसरमा लागेको आगो नियन्त्रणमा आएको छ । बाँकेका डीएसपी नारायण डाँगीले आगो करिब नियन्त्रणमा आइसकेको जानकारी दिए ।

उनका अनुसार आगो निभाउन ११ वटा दमकलको प्रयोग गरिएको थियो । आगलागीबाट क्षतिको एकीन विवरण आइनसकेको डीएसपी डाँगीले बताए । आगो निभाउन स्थानीय बासिन्दा र ठूलो संख्यामा सुरक्षाकर्मी खटिएका थिए ।  हर्बल प्रालिको परिसरभित्र जडिबुटी राखिएको ठाउँमा बिहान ७ बजेतिर भीषण आगलागी भएको थियो ।