शोभायात्रा भएको घटनालाई लिएर राष्ट्रिय एकता अभियानले जनायो आपत्ति

६ वैशाख, विराटनगर । विराटनगरमा बुधबार रामनवमी मनाउने क्रममा निकालिएको शोभायात्रा क्रममा भएको घटनालाई लिएर राष्ट्रिय एकता अभियानले आपत्ति जनाएको छ ।

अभियानका अध्यक्ष बिनय यादबले एक विज्ञप्ती जारी गर्दै विराटनगरमा श्रद्धालुहरूद्वारा रामनवमी मनाउने क्रममा शोभा यात्रामाथि एक समूहले गरेको आक्रमणको विषय लाई छानबिन गरि दोषीलाई कारवाहीको माग गरेको छ।

अभियानले विज्ञप्तीमा भनिएको छ , देशैभरको शान्ति र सद्भाव बिथोल्न सकृय जिहादी समुदायको जिहादको एक भाग रहेको हाम्रो ठहर छ। अभियान सदियौदेखि नेपालमा बसोबास गर्दै आएका राष्ट्रभक्त मुस्लिम दाजुभाई तथा दिदिबहिनीहरूलाई जिहादीहरूको प्रभाबबाट बच्न आग्रह गर्दै देशमा सहिष्णुता बनाईराख्न हार्दिक अनुरोध गर्दछ।

साथै, जिहादी आक्रमणबाट बिराटनगरमा घाइते भएका श्रद्धालुहरूको शीघ्र स्वास्थलाभको कामना गर्दछ र सरकारसँग जिहादीहरूको पहिचान गरी कारवाहीको दायरामा ल्याउन माग गर्दछ।