नेकपा एमालेले किन बोलायो विशेष पत्रकार सम्मेलन ?

७ वैशाख, काठमाडौं । सत्तारुढ दल नेकपा एमालेले शुक्रबार विशेष पत्रकार सम्मेलन बोलाएको छ । पार्टी केन्द्रीय कार्यालय च्यासलमा दिउँसो ३ बजे विशेष पत्रकार सम्मेलनको आयोजना गरिएको एमाले प्रचार विभाग प्रमुख राजेन्द्र गौतमले जानकारी दिएका छन् । 
 
गौतमका अनुसार पत्रकार सम्मेलनमा शनिबारबाट सुरु हुने पार्टीको राष्ट्रिय महाधिवेशन प्रतिनिधि परिषदको बैठकको तयारी, सहभागी हुने पाहुना, कार्यक्रमको फरम्याट लगायतका विषयमा जानकारी दिने उद्देश्यले पत्रकार सम्मेलन डाकिएको हो । एमालेको प्रतिनिधि परिषद्को बैठक गोदावरीस्थित सनराइज हलमा उद्घाटन हुनेछ । 

खासमा अहिलेको राजनीति परिस्थितिका विषय अध्यक्ष केपी शर्मा ओलीले केही जानकारी दिन खोजेको पाइएको छ । उनले बिहीबार मात्र प्रधानमन्त्री पुष्पकमल दाहाल प्रचण्ड र राष्ट्रिय स्वतन्त्र पाटीका सभापतिसमेत रहेका उपप्रधान तथा गृहमन्त्री रवि लामिछानेसँग छलफल गरेका थिए । छलफलमा सहकारी ठगी र कांग्रेसले उठाएो मुद्दाका विषय छलफल भएको थियो ।