भन्सार छलेर ल्याएका  ५० लाखका कपडा र काजु बरामद

८ वैशाख, वीरगञ्ज । वीरगञ्जमा ठूलो परिमाणमा कपडा, काजु लगायतका सामान बरामद गरिएको छ । शनिबार सशस्त्र प्रहरीले वीरगन्ज महानगरपालिका–१० स्थित आदर्शनगरबाट ठूलो परिमाणमा भन्सार छली ल्याएका सामान बरामद गरेको हो । 
 
आदर्शनगरस्थित दुर्गा क्यारियरमा सशस्त्र प्रहरी बल, नेपाल प्रस्तावित सीमा सुरक्षा गुल्म वीरगन्जबाट खटिएको टोली र वीरगञ्ज भन्सार कार्यालयबाट खटिएको संयुक्त टोलीले क्यारियरको ढोका खोली हेर्दा भारतबाट अबैध रुपमा भन्सार छली ल्याई गोदाम गरी राखेको करिब ५० लाख रुपैयाँ बराबरको कपडा, काजु, ग्याँस चुलो, ब्रेड क्रम्स बरामद गरेको प्रहरीले जनाएको छ । 

बरामद भएको मालसामान आवश्यक कारवाहीको लागि लागि विरगंज भन्सार कार्यालयमा लगिएको प्रस्तावित सीमा सुरक्षा गुल्म वीरगन्जका प्रमुख डिएसपी देवेन्द्र संहले जानकारी दिए । पछिल्लो समय वीरगञ्जमा तस्करी बढिरहेको छ ।