आगो निभाउन गएको दमकल दुर्घटना, ६ जना घाइते

८ बैशाख, काठमाडौं । आगो निभाउन गएको एक दमकल दुर्घटनामा परेको छ । काठमाडौँ कीर्तिपुरस्थित चोभार डाँडामा भएको आगलागी निभाउन गएको दमकल दुर्घटना हुँदा ६ जना गम्भिर घाइते भएको प्रहरीले जनाएको छ । 

आफ्नै निवास नजिकको जंगलमा आगो लागेपछि जनमत पार्टीका वरिष्ठ उपाध्यक्ष अब्दुल खानले सो दमकल बोलाएका थिए । अज्ञात व्यक्तिले जंगलमा आगो लगाएपछि निभाउने जाने क्रममा दमकल पल्टिएको हो । 

दुर्घटनामा चालकसहित ६ जना गम्भीर घाइते भएका छन् । प्रहरी वृत्त कीर्तिपुरले दुर्घटनाबारे जानकारी लिएको छ ।  दमकल महानगरपालिकाको हो । घटनाको थप विवरण आउन बाँकी छ ।