राष्टपतिसमक्ष लगानी सम्मेलन लक्षित विभिन्न कानुन संशोधन लागि अध्यादेश सिफारिस

१० वैशाख, काठमाडौं । सरकारले राष्टपतिसमक्ष विभिन्न अध्यादेश जारी गर्न सिफारिस गरेको छ । मन्त्रिपरिषद्को सोमबारको बैठकले लगानी सम्मेलनलाई लक्षित गरेर विभिन्न कानुन संशोधन गर्ने अध्यादेश सिफारिस गरेको हो । 

सिंहदरबारमा विहान बसेको मन्त्रिपरिषद् बैठकले राष्ट्रपति रामचन्द्र पौडेलकहाँ अध्यादेश सिफारिस गरेको हो । यसअघि अध्यादेशमार्फत विभिन्न ८ वटा ऐनका विभिन्न व्यवस्था संशोधन गर्ने तयारी भएको थियो । 

बैशाख १६ र १७ गते हुन लागेको तेस्रो लगानी सम्मेलनलाई लक्ष्य गरेर सरकारले अध्यादेश सिफारिस गरेको हो । ‘लगानी सहजीकरणसम्बन्धी केही नेपाल ऐनलाई संशोधन गर्न’ बनेको अध्यादेश राष्ट्रपतिकहाँ सिफारिस गरिएको एक मन्त्रीले जानकारी दिए । यसअघि अध्यादेशमार्फत विभिन्न ८ वटा ऐनका विभिन्न व्यवस्था संशोधन गर्ने तयारी भएको थियो ।