ईश्वरको आँखामा देबेन्द्र बब्लु र जुना

१२ वैशाख, काठमाडौं । गायक, गीतकार तथा संगीतकार ईश्वर मगीयाको उन्नाईसौँ सांगीतिक एल्बम सेटिस्फ्याक्सनमा रहेको गीत ‘आँखामा’ सार्वजनिक गरिएको छ । गीतको भिडियोमा देबेन्द्र बब्लु र जुना विश्वकर्माले अभिनय गरेका छन् ।

मगीया आफै पनि गीतको भिडियोमा देखिएका छन् भने विशाल घिमिरेको निर्देशन रहेको छ । उनले भिडियो मेकिङमा आफ्नो टिमले निकै मिहिनत गरेको बताउँछन् । 

तास स्टुडियोमा रेकर्ड भएको गीतको मिक्सिङ तथा एरेन्ज विजेश्वर राज तन्डुकार हुन । यस भिडियाको सिनेम्याटोग्राफर तथा सम्पादक पवन सुस्लिङ हुन । गीतको भिडियो ओे एस आरको युटुवमार्फत सार्वजनिक गरिएको छ ।