पौन २ केजी सुन र डेढ करोड रकमसहित ५ जना पक्राउ

१४ वैशाख, काठमाडौं । नेपाल प्रहरी उपत्यका अपराध अनुसन्धान कार्यालयको टोलीले एक हुण्डी गोदाममा छापा मारेर १ केजी ८ सय ग्राम सुन र डेढ करोड रुपैयाँसहित पाँच जनालाई पक्राउ गरेको छ । यसबारे प्रहरीले पत्रकार सम्मेलन गरेर जानकारी दिँदैछ ।  
 
प्रहरी स्रोतका अनुसार बिहीबार न्युरोडको एक हुण्डी गोदाममा छापा मार्दा उक्त सुन, रकम र संलग्नहरुलाई पक्राउ गरेको हो । रकम र सुनका विस्कुटसहित पाँच जना पक्राउ परेका छन् । केहीबेरमा पत्रकार सम्मेलन गरेर सार्वजनिक गरिँदैछ’, प्रहरी स्रोतले भन्यो ।