२८ सहसचिव, ८ उपसचिव र ११ जना शाखा अधिकृतको सरुवा

१४ वैशाख, काठमाडौं । सत्ता समीकरण बदलिएपछि सरकारले सबैभन्दा बढी प्राथमिकता कर्मचारी सरुवामा दिएको छ । सरुवाले कर्मचारीतन्त्रमा आतंक नै फैलिएका बेला बिहीबार बसेको मन्त्रिपरिषदको बैठकले एकैपटक २८ जना सहसचिवहरूको सरुवा गरेको छ । सरुवामा मन्त्रालयमा भएका सहसचिव स्थानीय तहमा पुगेका छन् भने स्थानीय तहमा भएकालाई मन्त्रालयमा ल्याइएको छ । 

यस बाहेक अन्य मन्त्रालय र प्रदेश मन्त्रालयका विभिन्न पदका सहसचिवहरूको अन्तर मन्त्रालय सरुवा गरिएको छ । बिहीबार मन्त्रिपरिषद बैठकले २८ जना सहसचिवहरूको सरुवा गर्ने निर्णय गरेको थियो । त्यही अनुसार उनीहरुको सरुवा र पदस्थापन भएको हो । सत्ता समीकरण परिवर्तन भएपछि पछिल्लो समय  नपुगिकन कर्मचारीहरू सरुवामा पर्न थालेका छन् । 

यस्तै संघीय मामिला तथा सामान्य प्रशासन मन्त्रालयले ८ जना उपसचिव र ११ जना शाखा अधिकृतहरूको सरुवा गरेको छ । मन्त्रालयले विभिन्न गाउँपालिकाका प्रमुख प्रशासकीय अधिकृतसहित मन्त्रालयहरूमा विभिन्न भूमिकामा रहेकाहरूको सरुवा गरेको हो ।

 यस्तो छ विवरणः