उपनिर्वाचनको मतदान जारी, इलाममा १९ र बझाङमा ११ उम्मेदवार प्रतिस्पर्धामा

१५ वैशाख, काठमाडौं । इलाम–२ र बझाङ १ ‘क’ मा मतदान जारी छ । बिहान ७ बजेबाट मतदान सुरु भएको मतदान जारी रहेको हो । मतदान साँझ ५ बजेसम्म हुनेछ । 

इलाम क्षेत्र नम्बर २ मा नेपाली कांग्रेसका उम्मेदवार डम्बर खड्का, नेकपा एमालेका उम्मेदवार सुहाङ नेम्वाङ, राष्ट्रिय स्वतन्त्र पार्टीका उम्मेदवार  मिलन लिम्बू, पहिचानवादी उम्मेदवार डकेन्द्रसिंह थेगिमले मतदान गरिसकेका छन् । 

१९ जना उम्मेदवारले नै आफ्नो आफ्नो क्षेत्रबाट मतदान गरेका छन् । इलाम क्षेत्र नम्बर २ मा प्रतिनिधिसभा सदस्यका लागि १९ जना उम्मेदवार चुनावी मैदानमा छन् । 

निर्वाचन आयोगका सहायक प्रवक्ता रामदत्त पाण्डेयका अनुसार बिहान ७ बजेदेखि सुरु भएको मतदान साँझ ५ बजेसम्म हुनेछ । इलाममा १९ र बझाङमा ११ उमेदवार चुनावी मैदानमा छन् । आयोगले निर्धक्क भएर मतदानमा भाग लिन आग्रह गरेको छ ।

निर्वाचन आचारसंहिताको प्रभावकारी कार्यान्वयनका लागि निर्वाचन अनुगमन समिति, अनुगमन अधिकृत, मतदान कार्यमा खटिएका कर्मचारी एवं सुरक्षाकर्मीबाट समेत सूक्ष्म अनुगमनको कार्य भइरहेको पाण्डेयले जानकारी दिएका छन् । 

सम्बन्धित निर्वाचन क्षेत्रका मतदाताहरूको सहज आवागमनका लागि सार्वजनिक यातायात सञ्चालनको उपयुक्त प्रबन्ध गर्न गृह मन्त्रालयमार्फत सम्बन्धित जिल्लाका प्रमुख जिल्ला अधिकारीलाई निर्देशन दिइएको उनले बताएका छन् ।

इलाम क्षेत्र नम्बर २ मा उपनिर्वाचन कार्यक्रम अन्तर्गत मतदान भइरहेको छ । निर्धारित समय बिहान ७ बजेबाट मतदान सुरु भएको हो । १९ जना उम्मेदवारले नै आफ्नो आफ्नो क्षेत्रबाट मतदान गरेका छन् । इलाम क्षेत्र नम्बर २ मा प्रतिनिधिसभा सदस्यका लागि १९ जना उम्मेदवार  चुनावी मैदानमा छन् । 

७९ मतदानस्थलको १४९ मतदान केन्द्रमा मतदान जारी रहेको छ । ४२ वडा रहेको इलाम २ मा १ लाख १५ हजार ८७९ मतदाता रहेका छन् । यी मतदातामध्ये ४२२ जना नयाँ मतदाता थपिएका हुन् ।