मनसुन प्रतिकार सम्बन्धी उद्धार अभ्यास डेमोस्ट्रेस्न मनसुन-२

•मनिष अर्याल / नेपाल फोटो लाइब्रेरी 

१६ वैशाख, काठमाडौं । कीर्तिपुरको टौदहमा श्री सशस्त्र प्रहरी बल नेपाल न ९ पशुपतिनाथ बाहिनी मुख्यालयको आयोजनामा मनसुन प्रतिकार सम्बन्धी उद्धार अभ्यास‘ मनसुन २ ‘ डेमोस्ट्रेस्न प्रदर्शन भएको छ ।

विपद्को समयमा संयुक्त खोज तथा उद्धारमा खटिँदा कार्य दक्षता अभिवृद्धि भई व्यावहारिक ज्ञान हासिल गर्न सुरक्षाकर्मीले टौदहमा अभ्यास गरेका छन । भविष्यमा हुने विपद व्यवस्थापनको लागि यो अभ्यास निकै महत्त्व हुने कार्यक्रमका प्रमुख अतिथि सशस्त्र प्रहरी अतिरिक्त महानिरीक्षक वंशीराज दाहालले बताए । 

अभ्यासमा बाढीमा हुने सम्भावित जोखिम बाट बच्ने उपाय, पानीमा डुबेकोलाइ उद्धार गर्ने लगायत अन्य जोखिम न्युनिकरणीका कार्यहरू देखाइएको थियो । सशस्त्र प्रहरीले बलले देशै भर विपद व्यवस्थापनका घटनामा अग्रपङ्क्तिमा काम गरिरहेको छ, आगलागीका घटना होस या बाढी पहिरो डुबानका घटनामा कुशलता पूर्वक उद्धारको काम गरिरहेको पशुपतिनाथ बाहिनीका वाहिनीपति सशस्त्र प्रहरी नायव महानिरीक्षक पुरुषोत्तम थापाले बताए ।