राष्ट्रपतिबाट लगानी सहजीकरणसम्बन्धी अध्यादेश जारी

१६ वैशाख, काठमाडौं । राष्ट्रपति रामचन्द्र पौडेलले लगानी सहजीकरणसम्बन्धी केही ऐनलाई संशोधन गर्न बनेको अध्यादेश जारी गरेका छन् । उनले आइतबार अध्यादेश जारी गरेका हुन् । 

मन्त्रिपरिषद बैठकले लगानी सम्मेलनका लागि भन्दै ९ वटा ऐन संशोधनका लागि अध्यादेश सिफारिस गरेको थियो । संविधानको धारा ११४ (१) बमोजिम राष्ट्रपतिले आइतबार अध्यादेश जारी गरेको राष्ट्रपति कार्यालयले जनाएको छ ।

लगानी प्रतिकूल ठानिएका कानुनका विभिन्न प्रावधान संशोधनका लागि अध्यादेश ल्याउने निर्णय गत सोमबारको मन्त्रिपरिषद बैठकले गरेको थियो । लगानी सम्मेलन आजबाट सुरु भइसकेको छ ।